|
Onura ekonomiko zuzena eta partikularra bilatzen ez duen diru-inbertsioa egitea aukeratzen duten pertsonak edo erakundeak dira. Inbertsio horren errentagarritasun etikoa eta onura soziala ahalbidetuko duten baldintzak sortzea bilatzen dute. Aukeratzeko ahalmena erabiltzen dute.
Hain zuzen ere horregatik, aldaketa-egitasmo horren abiapuntua geure esku dagoen horretan arreta jartzea da. Bere eslogana “Aukera dezakegu” da. Aldatzea aukera dezakegu, inertzia hutsa baino zerbait gehiago izatea aukera dezakegu, edo horrelako beste urrats bat ematea aukera dezakegu. Geure indarra aukeratu ahal izatea da.
Baketik-ek laguntza ekonomikoa emateko hiru bide zabaldu ditu. Kasu bakoitzean formazio- eta aholkularitza-zerbitzuak jasoko dira trukean, edo proiektu zehatzak bultzatuko dira ekarri bakoitzaren onura pertsonal, sozial edo korporatibo zehatza bilatuz.
- Bazkide-Lagunak: Hilean 5 eta 89 euro arteko ekarriarekin lagunduko duten pertsonak eta erakundeak. Ekarri horren onuragarritasunaren itzulera formazio-eskaintzetan parte hartzeko erraztasunak ematen eta aholkularitza pertsonalerako zerbitzuetan irudikatuko da.
- Bazkide-Laguntzaileak: Hilean 90 eta 499 euro arteko ekarriarekin lagunduko duten pertsonak eta erakundeak. Ekarri horren onuragarritasunaren itzulera formazio- eta aholkularitza-eskaintza pertsonalizatuetan zehaztuko da, edota, enpresen kasuan, erantzukizun sozial korporatiboaren eremuan proiektu zehatzak babestuz.
- Bazkide-Babesleak: Hilean 500 eta 1.000 euro arteko ekarriarekin lagunduko duten pertsonak eta erakundeak. Kasu horretan, ekarri horren onuragarritasunaren itzulera Baketik-eko ekintzetan logotipoa jartzen eta baita formazio- eta aholkularitza-eskaintza pertsonalizatuetan edota erantzukizun sozial korporatiboaren eremuan ere irudikatuko da.
Formulariora joan edo klikatu hemen eta esku-orria eskuratu ezazu
|
