Baketik-ek abuztuan ikastaroa eskainiko du gatazken lantze etikoaren inguruan
Baketik-ek abuztuaren 24an, 25ean eta 26an 9.00etatik 12.30era “Gatazken lantze etikoa” izeneko ikastaroa eskainiko du Euskal Herriko Unibertsitatearen Udako Ikastaroen programaren baitan. Ikastaro honen helburua geure gatazkak etikoki lantzen ikastea da, bai geure eguneroko harremanetan sortzen direnak, baita gizarte mailan sortzen direnak ere.
Izena emateko eta informazio gehiago behar izanez gero: Udako ikastaroen idazkaritza. (943-219511 -
Helbide elektroniko honek spam bot-en kontrako babesa du. Ikusteko Javascript-a aktibatu behar duzu
)
Izan Proposamena: bizitzarako, elkarbizitzarako eta hezkuntzarako pedagogia etikoa
Nola hezi neure burua eta besteak pertsona izaten? Erronka honi erantzun nahi dio hezkuntza-proposamen honek. Geure burua eta besteak pertsona izaten hezteko baliabide teorikoak eta praktikoak eskaintzea da bere helburua. Xede horrekin, bere edukia zortzi ikaskuntzetan oinarritzen da.
Udaberri honetan, Izan Proposamenak bi hitzordu garrantzitsu ditu. Apirilaren bukaeran proposamen honen esparru teorikoa jasotzen duen Pertsona izaten hezi. Zortzi ikaskuntza (Jonan Fernandez, 2010. Baketik Argit.) liburua aurkeztuko da. Ondoren, maiatzaren 8an prestakuntza lehen ikastaroa eskainiko da proposamena inguruan. Egun horretan gainera Izan Proposamenaren aplikazio praktikoak aurkeztuko dira euskarri informatikoan. Egitasmoa epe ertainera proposamena garatzeko interesa duten hezitzaileen, familien eta lagunen sarea sortzea izango da.
Victoria Camps eta Juan Martin Velascoren arteko mahai-inguruaren («Sinestunek eta sinesgabeek partekatutako etika baterako elkarguneak» bideoa hemen duzu: http://www.vimeo.com/11308623
Baketik-en bi ekarpen Bakearen eta Giza Eskubideen aldeko Hezkuntzako Euskal Planaren birformulazioari
Eusko Jaurlaritzak Bakearen eta Giza Eskubideen aldeko Hezkuntzako Euskal Planaren (2008-2011) birformulazioa sustatu du, berau modu berrian izendatuz: "”Indarkeriari legitimazioa kentzea eta bizikidetza demokratikoa (2010-2011)".
Baketik-en iritzia Giza Eskubideen eta Bake Hezkuntzaren elkarteen foroaren bitartez eskatu da. Arantzazuko bake zentrua erakunde honen partaide da.
Arantzazuko bideoteka irekia handitzen doa, eta 12 titulu gehitu ditugu: Gran Torino, Haz lo que debas, Invisibles, La clase, Million Dolar baby, Osama, Somers Town, Transamérica, Umurage, Up, Vals con Bashir, E.T.
Munduko Gizarte Foroan parte hartzen duen Munduko Hezkuntza Foroak Santiago de Compostelan Bake Kultura, Ikerketa eta Hezkuntzari buruzko Foro tematiko bat ospatzea babesten du.
Hemen duzu eskuragarri pdfa