Badirudi, bakerako prozesuaren barruan, ETAren indarkeriaren amaieraren aurrean gaudela. Orain bizikidetzaren berradiskidetze-prozesua prestatzea eta bultzatzea ahalbidetuko duen gogoeta sustatzen laguntzea sendo justifikatua dago egungo egoerari eta beste bake-prozesuen esperientziari erreparatzen badiegu. Baketik-ek azken urteetan egin duen  gogoeta-, formazio-, eta dibulgazio-lanean eta bizizikasi pedagogiaren ezarpenean oinarritutako ekarria egin nahi du arlo horretan.

Indarkeriaren amaiera-fasean beharrezkoa eta lehentasunezkoa da bizikidetasunaren etorkizunerako berradiskidetze-politiken ahalegin iraunkorra prestatzea eta bultzatzea. Udal-eremua, ziur aski, egokiena da berradiskidetzea bultzatzeko, bizikidetzaren hausturak pairatzen diren eta horiek berritu beharreko eremu hurbilena delako.

Berradiskidetze-prozesu batek lau fase egin behar ditu, lau aditzekin lotu daitezkeenak: partekatzea, entzutea, erabakitzea eta sendotzea. Berradiskidetze-prozesua osatzen duten lau fase horiek hiru helbururi lagundu behar diete beren garapenean: ideiak adosteari, jarrerak prestatzeari eta urrats zehatzak bultzatzeari.

Aipatutako faseen eta helburuen erlazioa, herri-mailan, bizikidetzaren berradiskidetze-plan bat bultzatu ahal izateko beharrezko eskema orokorrean osatzea ahalbidetuko duten eduki-loturekin osatu behar da.

Goiko eskema sintetikoa “Berradiskidetze-prozesu bat modu partekatuan kokatzeko eta bultzatzeko oinarri-proposamena” txostenean eta bizizikasi pedagogiaren edukietan oinarritzen den lan-hipotesia da. Dokumentu horiek zabalago azaltzen dute.

Zer egin dezakeen Udal batek

Baketik-ek Legealdi honetan berradiskidetze-politiken jarduera-ildo iraunkorra zabaltzea eta garatzea iradokitzen die Udalei eta Foru Aldundiei. Planteatzen den galdera da: zer egin dezake Udal batek arlo horretan? Galdera honen erantzunak aurretiko zenbait irizpide eta helburuen definizio zehatza izan behar ditu kontuan.

·Aurretiko irizpideak

-Zuhurtzia. Gai delikatua dela jabetzea; ausardiarekin jokatu behar da, baina zuhurtzia eta erantzukizun handiz.
-Errealismoa. Udalen jarduera-aukerak mugatuak direla gogoratzea; helburetan errealistak izan behar dugu.
-Malgutasuna. Ezin da ahaztu herri bakoitzak bere errealitate berezia duela; jarduera-eskemak malgutasunaz aplikatu behar dira.
-Mailakakoa izatea. Denboraren faktorea oso garrantzitsua dela kontuan hartzea; piskanaka egin behar da aurrera, etenaldirik gabe baina presarik gabe.

·Helburuak

-Herri-mailan berradiskidetze-prozesua modu partekatuan eta pluralean bultzatzeko oinarriak prestatzea.
-Gizarte-adiskidetzearen ibilbidearen oinarrizko ideiak, beharrezko jarrerak eta urratsak partekatzeko baldintzak sortzea.

·Erantzun baten adierazpena

·Bi urteko epean, udal-erakunde batek berradiskidetze-prozesu baten lehen faseari ekin diezaioke: “partekatzea”. Aditz hau hiru ardatzi lotzea esan nahi du: ideiak, jarrerak eta urratsak. Urrats horietako bat bigarren fasea prestatzen hastea litzateke: “entzutea”.

Beraz, lehen fasean geundeke, partekatzean, non hiru helburu lortzen saiatuko ginatekeen: ideiak adostea, jarrerak prestatzea eta lehen urratsak bultzatzea. Eskema horren barruan, jarduera-programa posiblea horrela laburtu ahal izango litzateke:

Gogoeta eta abiapuntu horietatik abiatuta, eta udan zehar, Baketik Udalek beren neurrian berradiskidetze-politikak bultzatu eta garatu ditzaten ekarri-proposamen zehatza helarazten saiatuko da alkate guztiei.