Baketik-ek 2009ko egungo lehentasun etikoei buruzko Jardunaldiek erlijioarteko elkarrizketa izan dute mintzagai. Bi helburu zituzten: gogoeta partekatua sortu (1) mundu mailako akordio etikorako zailtasunei eta iradokizunei buruz eta (2) “Asisetik Arantzazura” proposamenari buruz.

Esperientzia oso positiboa izan da arrazoi askorengatik. Ez akordio zehatzik lortu delako esperientziak zenbait ondorio ateratzea ahalbidetu digulako baizik: abiapuntu komuna, desadostasunak eta adostasunak. Hauek Baketik-en ondorioak dira eta bere ardurapean hartzen ditu.

1. Abiapuntu komuna

Erlijioarteko elkarrizketaren eta mundu mailako akordio etikoaren beharraren eta borondatearen beharrari buruz adostasun orokorra

2. Desadostasunak

• Nortasunaren eta adostasunaren arteko tentsio ezkutua 
• Konpartitzearen eta konbentzitzearen arteko desberdintasuna praktikan aplikatzearen zailtasuna
• Erakundearen eta komunitatearen arteko tentsioa, hierarkiaren eta oinarriaren artekoa
• Ulermen etikoa bilatzeak metodoko bi aukera dakartza: kode arau-emailea lortzen saiatzea edo prozesu pertsonaletan jartzea  garrantzia

3. Adostasunak

• Bada erlijio guztiek onartzen duten adostasun etikoa, “Urrezko araua” 
• Desberdinaren aurrean dugun ezjakintasunak beldurra sortzen duela, eta hori dela bizikidetasunerako etsairik gaiztoena. 
• Elkar ezagutzeaz gain, proiektuak kopartitu eta ekimen desberdinetan elkarlanean aritu behar dugu. 
• Lau asmo etikoen inguruan bat egitea: (1) beste edozer gauzaren gainetik pertsona guztien bizitza eta duintasuna errespetatzea; (2) bidezko mundua egiteko elkartasuna; (3) aniztasunaren eta pluralismoaren errespetuarekin lotutako elkarrizketa; eta (4) berdintasunaren defentsa. 
• “Asisetik Arantzazura” proposamena eta bere oinarrizko lau ikaskuntzak bertan bildutako sentikortasun erlijiosoen artean arbuiorik eta bateraezintasunik sortzen ez duen oinarria da. Hortaz, mundu mailako akordio etikorako aurrera egiten jarraitzeko adostasun-tresna gisa duen birtualtasunean sakontzen jarraitzeak merezi duela.

Ondorioak Baketik aldizkariaren 7. zenbakian argitaratu dira: